Гипертиреоз [гипер… ва лот. (glandula) thyreoidea – қалқонсимон без] – қалқонсимон без фаолиятининг кучайиши. Одатда, вақтинча, маълум физиологик шароитларда (ҳомиладорлик, балоғатга етиш, климактерия даври ва ҳ. к.) рўй беради. Руҳий шикастланиш, баъзан хар хил касалликлар (сил, ревматизм ва бошқа(лар)), камдан-кам ҳолларда бошдан кечирилган касалликлар оқибатида келиб чиқади. Гипертиреозда бемор тез чарчайди, пульси тезлашади, қўли калтрайди, қаттиқ терлайди, асосий моддалар алмашинуви тезлашади, озиб кетади (яна қ. Тиреотоксикоз).
