Нефросклероз [юн. nephros – буйрак, sklerosis – зичлашиш] – буйракни бириктирувчи тўқима қоплаб кетиши натижасида унинг қаттиқлашиши ва «буришиб» қолиши. Гипертония, пиелонефрит, буйрак сили, гломерулнефрит, буйрак тош касаллиги (нефролитиаз) ва бошқа(лар)да кузатилади. Нефросклерозда, асосан, буйракнинг майда артериялари (артериолалари) шикастлнади, улар буришиб қолиб парчаланади, натижада буйрак эпителийси нобуд бўлади. Асосан, тузсиз парҳез ва касаллик аломатларига қараб дори-дармонлар буюрилади.