Ксеродерма, пигментли ксердерма [юн. xeros – қуруқ ва берма] – терининг наслдан-наслга ўтадиган туғма касаллиги; дерматозларта киради. Бунда тери қуёш нури (ультрабинафша нур)га ўта сезгир бўлади. Асосан, бола ҳаётининг биринчи йиллардаёқ намоён бўлади. Офтоб баданнинг очиқ жойларига (юз, қўл-оёққа) тушганидан кейин, у ерда эритематоз (қ. Эритема) ва пигментли доғлар пайдо бўла бошлайди: тери курукшаб, казғоқлайди, бора-бора тери юпқа тортиб, бришади (бурун қирралашиб, оғиз тортишиб қолади), конъюнктивит, кўз ковокларининг қайрилиб қолиши ва ҳ. к. кузатилади. Боланинг ёши катталашган сайин (8-10 ёшларда) терсида сўгалсимон ёки папилломатоз ўсимталар пайдо бўлиб, эпителиомалар (рак, базалиома, меланома ва бошқа(лар))га айланиши мумкин (қ. Папилома). Беморга кортикостероидлар, витаминлар, рентгентерапия буюрилади, баъзан жарроҳлик усули қўлланилади.
