Атетоз [юн. athetos – вазиятсиз] – калавланиб юриш. Қўл, оёқ, ҳатто юз ва тил мушакларининг узлуксиз чувалчангсимон кимирлаб, буралиб қисқариши. Асосан, қўл-оёқ бармоқлрида учрайди. Атетоз мияга қон куйилгандан кейин, мия ўсмасида, баъзан тутқаноқ тутганда, бош миянинг экстрапирамид доираларига қарашли тўқималарида (стриар система) рўй беради. Атетозда панжа мушакларининг тонуси ошиб кетади ва чувалчангсимон ҳаракатда бўлади. Масалан, бир бармоқ букилса, иккинчиси ёзида бошлайди.
