Йиринг, мадда, фасод, патос – яллиғланган жойда тўпланадиган суюқлик (эксудат); лейкоцитлар (оқ қон таначалари), моноцитлар, нейтрофиллар, оқсиллар, шунингдек, тўқималарнинг парчаланиш маҳсулотларидан иборат. У йиринглатувчи микроблар (стафлококклар, стрептококклар, гонококклар ва бошқа(лар)), шунингдек, баъзи кимёвий моддалар (скипидар ва бошқалар) яллиғлантирган тўқималарда ҳосил бўлади. Йирингнинг ранги уни ҳосил қилган микроб турига боғлик; сариқ рангли йиринг стафилококк, яшил ранг кўплаб парчаланган лейкоцитлар, ифлос қўнғир ранг – чиритувчи микроблар, бадбўй ҳид – чиритувчи микрофлора ва парчаланган тўқималар борлигини билдиради. Йирингнинг қуюқ-сюқлиги (консистенцияси) унинг пайдо бўлиш муддатига ҳам боғлиқ, Масалан, янги ҳосил бўлган йиринг суюқ, вақти анча ўтгани қуюқ бўлади. Йиринг бойлаган жой теварак-атрофидаги тўқима ва аъзолардан парда билан ажралган бўлса, абсцесс деб аталади. Ундан қонга заҳарли моддалар ўтади, шунинг учун бирор жойда Й. пайдо бўлса, дарҳол уни йўқотиш чорасини кўриш лозим.
