Бўй узунлиги – ирққа хос белги. Бўй узунлиги антропология, тиббиёт соҳаларида ва тикувчилик саноатида ҳисобга олинади. Муҳим морфологик белги бўлгани учун бошқа кўпгина белгилар маълум даражада у билан аниқланади. Атропологияда турли бўй узунлигига эга бўлган ирқларни паст, ўрта ва баланд бўйли ирклар деб аталади. Дунё миқёсида Эркакларнинг ўртача бўйи шартли равишда 164,0 см дан 166,9 см гача, аёлларнинг ўртача бўйи эса 153,0 см дан 155,9 см гача қабул қилинган.
