Лимфоцитлар [лимфа ва юн. kytos – ҳужайра] – одам ва умуртқали ҳайвонлар оқ қон ҳужайраси – лейкоцитларнинг бир тури (агрнулоцитларга киради). Улар айрисимон без, лимфа тугунлари, талоқ ва кўмикда ишланиб чиқади. Лимфоцитлар кичик (4,5-6,5 мкм), ўрта ва йирик диаметрли (10-18 мкм) хилларга бўлинади. Лимфоцитлар амёбасимон ҳаракатланиш, шунингдек, моноцитлар, макрафаглар, фибробластлар (фагоцитоз қиладиган йирик ҳужайралар) ва бошқа(лар)га айланиш хусусиятига эга; у ҳимоя вазифасини бажаради; антителолар ҳосил бўлишида (пламатик ҳужайраларга айланиб) иштирок этади, бошқа ҳужайраларга озиқ моддалар етказиб беради ва ҳ. к. Қоида лимфоцитлар сонининг камайиши лифоцитопения, кўпайиши эса лимфоцитоз дейилади.
