Сперматогенез [сперма ва …генез] – ҳайвонларда ва кўпчилик ўсимликларда дастлабки диплоид жинсий ҳужайраларни ихтисослашган эркаклик ҳужайралари — сперматозоидлар ёки спермийпарта айланиши. Ривожланаётган жинсий ҳужайралар ўзаро синцитиал боғланган. Сперматогенез кўпайиш, ўсиш, етилиш ва сперматозоидлар шаклланиши даврларидан иборат. Кўпайиш даврида диплоид ҳужайралар – сперматгонийлар бир неча марта митоз бўлинади ва охирги интерфазада ДНК репликацияланади.
2- даврда улар ўсиб, 1-тартиб сперматоцитлага айланади. 3-даврда 2 марта бўлиниб етилиш, яъни мейоз содир бўлади. 1-бўлинишда ҳар бир сперматоцитдан 2 талай 2-тартиб сперматоцилар; 2-бўлинишда 4 та бир хил катталикдаги сперматидлар ҳосил бўлади; хромосомалар сони 2 баравар камаяди. Сперматидлар сперматогенезнинг 4-даврига ўтиб, сперматозоидларга айланади. Бу даврда уларнинг акросомаси, хивчини ва қўшимча ядроси ҳосил бўлади; цитоплазманинг кўп қисми рибосомалар, Гольжи комплекси ва эндоплазматик тўр билан бирга чиқиб кетади. Сперматидлар ичидаги бундай ўзгаришлар тлокинетик ҳаракатланиш дейилади. Сперматогенез 3 кундан (бўшлиқичлиларда) 20 кунгача (Одамда) давом этади. Сперматогенез кўпчилик ҳайвонларда уруғ йўлида, гермафродит ҳайвонларда эса гермафродит гнадада, ғовактанлиларда мезоглейда рўй беради. Ўсимликларда сперматозоидлар антеридяларда ҳосил бўлади.