Ҳомиладорлик токсикозлари – ҳомиладорлик даврида учрайдиган касаллик ҳолати; нерв, юрак-томир, эндокрин тизимлар ва моддалар алмашинувининг ўзгариши туфайли келиб чиқиб, туғруқдан сўнг ўтиб кетади. Ҳомиладорлик токсикозларига ҳомиладорлик ёки организмда мавжуд хасталиклар сабаб бўлади. Ҳомиладорлик токсикозлари баъзи аёлларда эртарок, баъзиларида эса кечроқ кузатилади. Ҳомиладорликнинг биринчи (илк) ва иккинчи ярми (кеч) токсикозлари фарқ қилинади.
