Сикоз [юн. sykosis – узум гужуми] – соч фоликуласининг яллиғланиши. Асосан, эркакларда кўпроқ юзнинг соч-сокол, мўйловли қисмида учрайди. Келиб чиқишига кўра, стафилкоккли (оддий) ёки замбуруғли (паразитар) сикоз фарқ қилинади. Стафилококкли ёки оддий сикоз сурункали кечади ва бот-бот қўзиб туради. Сикозда ўртаси тукли кичик маддалар пайдо бўлиб, баъзи жойларини йирингли қасмоқ босиб, сувланиб туради, бироз оғрийди. 2-3 кундан сўнг йиринг котиб пўст билан қопланади, кейинчалик пўст тушиб кетиб, ўрнида яна йирингли маддалар пайдо бўлади. Стафилококкли сикоз терининг ифлосланиши, бурун-томоқ бўшлиғидаги турли сурункали касалликлар, шунингдек, эндокрин безлар ва нерв фаолиятининг бузлишларидан келиб чиқади. Касаллик ойлаб, баъзан йиллаб давом этади. Бунда беморнинг териси тортишиб, ачишиб оғрийди. Айниқса, зарарланган соҳа юзда бўлганида беморнинг руҳий ҳолати ўзгаради. Касалликнинг кечиши ва белгиларига қараб даво тайинланади.
[addtoany]
