Вассерман реакцияси – захмни аниқлаш учун қўлланиладиган серологик реакция. Уни кашф этган немис олими А. Вассерман (1866-1925) номи билан юритилади. Вассерман реакцияси коплементни боғлаб олиш реакцияси (КБР)га асосланган бўлиб, у бир йўла учта антигенни ишлатган ҳолда олиб борилади. Текшириладиган зардоб 1:4 нисбатда суюлтирилиб, 4 та пробиркага 0,1 мл дан қўйилади. Реакция босқичини крест (+ дан ++++)лар сони билан ифодаланади. Вассерман реакциясининг мусбат бўлиши, беморда захм касаллиги борлигини кўрсатади. Захмдан бошқа касалликлар (безгак, қайталама терлама ва бошқа(лар))да ҳам вассерман реакцияси қўйилади.
